Vi har det så gildt på uteskule! Trollhåla er ein fin stad å gå på uteskule til. Og at det er 5 km å gå, er det ingen som seier noko på. Sist veke hadde vi god leik, søk etter vårteikn, spikking og ein god lunsj. I dag tok vi turen atter ein gong, men no hadde Signe parkert Toyotaen sin der og hengekøyer, grillmat (pinnebrød, pølser og kylling), ved, spikkeknivar, div utespel mm.blei slik tilgjengeleg. Sekken til Veslemøy mangla heller ikkje noko. Her var bøker, teikneark, fargar og skrivesaker pakka med. Gjett om det blei ein kjekk dag! Elevane hang i hengekøyer, spikka med dei nye spikkeknivane, kvilte, koste seg og las bøker i bilen til Signe som hadde madrass, gode puter og pledd. Lunsj med nystekte pinnebrød med pølse eller kylling smakte godt. Tenk heile klassen fekk plass i Signe sin bil samtidig! Ute fann nokon larver og laga hus til dei. Andre las om sopp og fann ut kva plantar og knoppar heitte. Tenk så heldige vi er som kan vera på tur med desse flotte elevane- for ein fantastisk gjeng og dag! Berre glade born og vaksne- me kosar oss veldig saman🌟👏