Gode tider på skulebiblioteket! Det har vore eit fantastisk år som leiar av skulebiblioteket. Skulen har fått inn mange nye bøker til eige bibliotek. Det meste kan me takka kakesalet for.
Enno er det nokre lappar i
boksen, som snart skal nyttast til å få tak på fleire godbitar. For det er det
me har! Nye bøker til elevar på alle trinn. Eg sonderer markedet for nye
titlar, har kontakt med ulike forlag, les bokmeldingar, sjekkar ulike
bok-forum, for så å kjøpa inn det som er «i skuddet» og som får gode
anbefalingar.
Me har fått bøker frå folk
som ser at me jaktar. Tusen takk til alle de som har donert bøker til skulen.
Eg bytar til meg flotte bøker, to bøker for ei klase bananar er god butikk,
spør du meg!
Ganske stas når eg
etterkvart ser at det me har kjøpt inn, får diverse bokprisar, både i inn- og
utland. Me er med i tida!
Det er stor trafikk i
biblioteket. Elevane er ivrige etter å låne bøker. Dei spør stadig etter nye
titlar. Om spesielle bøker dei ynskjer å lesa. Då er det kjekt å sei at: - den
boka har me. Lærarane er flinke til å nytta høgtlesing, det går aldri av moten.
Elevane likar når læraren les høgt for dei. Eg ser dei, mange gonger i veka.
Anten lærar som les høgt, eller elevar som sitt med hovudet i boka. Det er
mange gode lesesituasjonar på bygget.
«Det å skrive eller det å lese, nærmere
trolldom er det ikke mulig å komme» Tor Åge Bringsværd.
Med dette sitatet vil eg
seia at me vil halda fram med å skapa magi, med å stimulera leselyst. Me vil
prøva få tak i fleire nye bøker.
Det som ungane vil ha!
Unni