Me har hatt ein travel, men lærerik månad. Les meir og sjå bilete.
Me har no hatt intensive dagar med opplæring av alle tilsette og alle elevar på 3.-5.i høve til læringsbrett. Gode rutinar er innarbeida, og det er mykje læring.
I løpet av januar har me fått ei ny gruppe med pensjonistar som er lyttevenner. Me set utruleg pris på innsatsen dei legg ned hjå oss.
Før jul handla me 3D-printer, droner, sphero og mykje anna. No er me i gang med å testa det ut.
Takk til Silje Marie Strandberg for eit sterkt, gripande og lærerikt føredrag om mobbing.
Me er opptekne av pratisk læring. Du kan sjå bilete i frå praktisk matematikk på 7.trinn, og praktisk læring på 1.trinn i høve til samane.
Rett før vinterferien avslutta me med samling i aulaen. Elevrådet hadde fokus på vennemagi. Me fekk tryllestøv og lærte det magiske ordet «hei». 6.klasse stod for resten av samlinga. Fokuset deira var humor. Tårene trilla, så mykje lo me!