Meny
Velg seksjon Framside
Klasse 1
Klasse 2
Klasse 3
Klasse 4
Klasse 5
Klasse 6
Klasse 7
Vinjar Skule 4237 Suldalsosen
Telefon: 52790900 Send e-post til oss
Gå til Its Learning

 

Vinjar skule satsar på skidag torsdag 23.mars. Me går på ski inn Breiastølsdalen like til «Løypekrysset». Der lagar me bål, skileik og mykje moro. Buss frå skulen kl 08.45. Det er meldt om godt vinterver, kuldegrader og sol - og nysnø. Løypekøyrar ordnar spor og oppkøyrd skileik i "løypekrysset" ca 2 km inn i dalen.

Ta med skiutstyr, ein liten vedkubbe og gode klede, og for dei som vil, litt tursjokolade!

Tips elles: Tursekk, ullundertøy, ekstra par vottar (helst ikkje hanskar),ekstra par ullsokkar, lue, tjukk genser til pausen, vindtett yttertøy, sitteplate, varm drikke, matpakke, solkrem og solbriller – og godt humør!

Hugs å feste ski og stavar godt ihop, det gjer det enklare for buss-sjåføren.

 


Vinjar skule ønskjer alle føresette velkomne til foreldremøte på Vinjar onsdag 22.mars,gymsalen kl 19.00

Tema er: Kva gjer me for at borna skal kjenne seg trygge på skulen og i fritida? Korleis kan me byggja gode relasjonar saman, slik at borna får utfolda seg, bli sett og akseptert

 Me har invitert spesialpedagog Guttorm Helgøy frå Fjell kommune for å halde føredrag for oss. Me lovar ein engasjerande føredragshaldar som set fokus på noko av det me set aller høgast: Korleis har borna det i skule og kvardag?

Velkommen


Då er tida komen for å takka for laget i denne omgang. Eg seier sjølv at eg berre tek ei pause frå rektorgjerninga, -for meg kjennest det nemleg best ut slik. Ein av dei siste dagane saman med elevane før vinterferien, overraska dei meg med ein fest. Eg vart så overraska då eg kom inn og såg at "heile skulen" hadde samla seg der, at eg beint fram måtte setja meg ned på kne...

Siste dagen før vinterferien slo skulen til med eit heidundrande karneval!