Stor anleggsverksemd på skulen
Det er ikkje berre i Bergekrossen og på Hestamoen at det blir bygd veg for tida.
Publisert: 12.04.2018 16:00 Sist endra: aldri Forfattar: Bergliot Lekven. Foto: Linda M. Hatleskog
Våren er komen og sanden er ikkje frosen lenger. Nå går det an å byggja! Det er 2. klasse som dei siste dagane har vore hovudentreprenør for det store vegarbeidet i sandkassen på Forsand skule. Dei har hatt med seg gode hjelparar frå dei andre klassane på småskulen. Ny veg, med autovern (pinnar) og asfalt (mold), er bygd frå uversskuret, gjennom heile leikeområdet og bort til veggen til vaktmeisterbua.