Skuledagen er ikkje den same som når dei var på skulen sist. Dei blir møtt av vaksne på busstoppet, får berre vera i mindre grupper i friminuttet og dei skal vaske hender mykje oftare enn tidlegare. Dei har fått eit nytt klasserom, eit som er større enn det klasserommet dei har hatt i to år. På den måten får heile klassen vera samla i timane og ikkje delt i to grupper. Som ei lita overrasking hadde assistentane dekka bordet i den nyoppussa kantina. Der serverte dei varme pizzabagettar til lunsj. Undervisninga var hovudsakleg "live" store deler av dagen, men kontaktlærar Anne-Kjersti fortsett å ha digital undervisning via Teams. På den måten kan ho både sjå og høyra elevane. Ein god blanding mellom tradisjonell og digital skule.