Samnanger kommune deltek for tredje gang i Ungdataundersøkinga. Tidlegare har kommunen gjennomført undersøkinga i 2015 og 2019. Undersøkinga dekker store delar av ungdomane sine opplevingar av livet, forhold til vennar, foreldre, fysisk og psykisk helse, mobbing og vald, fritidsakivitetar, kosthald, rusmiddelbruk, mediebruk og skule. Resultata av undersøkinga kan gje eit godt bilete av situasjonen i Samnanger og kan setja fokus på korleis ein kan setja inn gode tiltak for ungdom i Samnanger. Undersøkinga vil bli i løpet av veke 6, 8.-12. februar. Sosiallærar/psykolog vil vera til stades den dagen undersøkinga vert gjennomført og vil vera til hjelp dersom det er elevar som vil snakke om tema som kjem opp i undersøkinga.
Undersøkinga er frivillig, men ein håper at mange deltek slik at bilete av situasjonen for ungdom I Samnanger blir mest mogeleg utfyllande og rett. Meir detaljert informasjon om Ungdataundersøkinga finn de i vedlegget som ligg ved.