Denne hausten har dagens stortingsval prega både mediabiletet og praten mange i mellom.
Me på skulen har også vore opptatt av valet, og tysdag 7/9 inviterte 10. klasse til skuleval.
Alle elevane frå 6. til 10. klasse vart inviterte til å delta, og 10. klassingane tok seg av alle funksjonane ein treng å ha på plass for å gjennomføre eit val.
Kvar
klasse fekk tildelt tid for å stemme, og elevar kom i smågrupper til «vallokalet» kor valfunksjonærar frå 10 klasse rettleia dei i korleis dei skulle gjere. Det stod stolar utanfor «stemmelokalet» der dei måtte vente på tur.
I etterkant jobba 10. klasse med resultata, og dei fekk mellom anna laga prosentvis oversikt over stemmene. Vinnarane av skulevalet på Finnøy vart Senterpartiet med 30,9% av stemmene
Øyposten var på plass for å lage ei sak til avisa, og når 10. klass drog på tur til Bandåsen torsdag var det ivrig avislesing på ferja!
Takk til Mari-Anne og Tor Magne som fasiliterte skulevalet, og takk til ivrige elevar som tok den demokratiske utfordringa på strak arm!