For å avgrense smitte har vi sett i verk ei rekke tiltak på skulen og i barnehagen. Smittevernrutinane er knytt til ein trafikklys-modell med grønt, gult og rødt nivå som viser kva tiltak som gjeld på dei ulike nivåa. Det er smittesituasjonen i Noreg og i kommunen som avgjer kva nivå vi er på. 

Det er trygt å gå på skulen

Vi skal framleis sørgje for at elevane har eit trygt og godt skulemiljø. Alle som jobbar på skulen skal følgje med på at elevane har det bra. I perioden framover vil vi verre ekstra nøye med å sikre godt smittevern. Vi er særskilt optekne av: 

• Ingen skal møte på skulen eller i SFO dersom dei er sjuke
• Vask hendene før og når de kjem på skulen
• Vi gjennomfører god handhygiene og godt reinhald på skulen

Korleis vil skulekvardagen vere? 

Grønt nivå: Skolekvardagen vil vere som normalt, men elevar og lærarar må unngå handhelsing og klemming.

Gult nivå: Heile skuleklassar er samla og alle elevane får eit fulltidstilbod og vanlege skuledagar. Elevar og lærarar må unngå handhelsing, klemming og store samlingar. 

Rødt nivå: Elevane blir delt inn i mindre grupper. Det kan også bli nødvendig å avgrense kor mange elevar som kan komme på skulen. Vi kan også be elevane møte opp til ulike tider. Vi må halde god avstand og vere mykje ute også i skuletimane. 

Skuleskyssen

Gult nivå: Elevar som tar skulebussen som vanleg, men må halde god avstand til kvarandre. Det er ikkje krav om å halde avstand på ein meter til andre elevar, sjølv om dette gjeld for andre reisande. 

Rødt nivå: Elevane ka ta skulebussen som vanleg, men må halde god avstand til kvarandre. Annan transport til skulen bør vurderast.