Fellestur for småskulen
Tysdag 28. august var 1.- 4. klasse på tur over Åsen og til Fossanhagen.
Publisert: 28.08.2018 17:20 Sist endra: 28.08.2018 17:25 Forfattar: Bergliot Lekven
I læreplanen for kroppsøving står det mellom anna at elevane skal vera med i aktivitetar i varierte miljø der sansar, motorikk og koordinasjon blir utfordra. Difor gjekk me over Åsen på veg til Fossanhagen. Elevane var flinke til å gå, så me kom fram til Fossanhagen akkurat når me hadde tenkt. Der stod grillen varm og klar, og det blei ein god matpause. Etterpå blei det leik og fisking, og faktisk var det nokon som kunne koma heim med ein liten fiskemiddag! Elles blei det krabbefangst, vassing og leik i sanden.