Etter ein vellukka tur til Vaulen med heile 9. trinn på fredag 25. august, satte fysak. gruppa seg igjen på sykkelen med nasa mot Vaulen. Ein perfekt sykkeldag med lettskya himmel, opphald og cirka 16-17 varmegrader. Heile den spreke gjengen hadde fått med seg sykkelen til riktig dag, og nesten alle klarte å få med hjelmen og. Vi brukte knappe 20 minutt langs, den etter kvart, godt kjende ruta. Med vinden i ryggen gjekk det radig. Vi fekk til eit gruppebilde med heile gjengen på Vaulen, men praten gjekk mest om å utnytte vinden i ryggen, tema Sky, og la Malene gjere grovarbeidet i front. Likevel gjekk det litt treigare på heimvegen, då vinden no var i mot oss. Nokre var og uheldige (og uoppmerksame) og fekk eit ugildt møte med ei busk. Men vi kom heile tilbake, fekk dusja og er no klare for nok ei skuleveke på Lurahammaren. Dette er ein herleg gjeng å trimme med, og eg må sei det ikkje er så dumt å starte måndagar med fysisk aktivitet.