I går vart Barn og unges kommunestyre gjennomført på veveriet på Ålgård. Det er flott at elevane får vere med på dette, og kjenne på korleis dei demokratiske prosessane virkar. Dette året var ungdomsordføraren frå Oltedal. Eira Gjesdal gjorde ein framifrå jobb i denne rolla. BUK skal avgjere korleis 60 000 kr skal brukast på best mulig måte for barn og unge i Gjesdal. Dette året vart det bestemt at Oltedal og Dirdal får 10 000 kr kvar, som skal nyttast til transport for elevar til arrangement på Ålgård o.l. Dei siste 40 000 kr skal brukast i prosjekt for å få el-sykkelpark på Ålgård.