Informasjon om rettleiande inntaksgrenser når ny ungdomsskule i Vardheia opnar hausten 2021.
Hausten 2021 vil den nye ungdomsskulen i Vardheia vera klar, og det vil
då vera to ungdomsskular på Bryne. Det pågår for tida ein prosess for å
avgjera korleis inntaksgrensene for desse skulane skal vera. Dette vil bli
avgjort av kommunestyret i møte 27. oktober.
I etterkant av dette vil me senda
ut informasjon om vedtaket.
Inntaksgrensene er rettleiande; det vil seia at det er mogleg å søka
seg til den andre skulen om ein ønsker det. Kapasiteten ved skulane vil vera
avgjerande for om slike søknadar vert innvilga. Fristen for å søka om dette vil
vera 19. november, og me kjem tilbake med meir informasjon om korleis ein kan
søka i etterkant av kommunestyremøtet.
Elevar som no går på 8. trinn på Bryne ungdomsskule, og 7. trinn på
Rosseland og Bryne skule vil bli fordelt på dei to ungdomsskulane. Dei
elevane som no går på 9. trinn på Bryne ungdomsskule vil fortsetta der neste
skuleår.