Samnanger barneskule har vel 200 elevar og ligg vakkert til med utsikt over Samnangerfjorden. Gjerde barneskule vart offisielt opna 6.november 1998. Den gongen ein svært spesiell skule bygd etter prinsippa om naturleg ventilasjon og oppvarming ved hjelp av jordvarme. Me hadde besøkjande frå mange stader i landet som ville sjå nærare på denne miljø og enegivennlege skulen.
Seinare vart Nordbygda barneskule og Gjerde barneskule slått saman. Den nye Samnanger barneskule vart offisielt opna 24.oktober 2013. Denne gongen var nybygget av typen passivhus. Så det vil nok vera rett å seia at Samnanger barneskule er ein svært miljøvennleg skule.
Skulen har ca.19 årsverk med pedagogar, og ca.7 årsverk for assistent/fagarbeidar. Me nyttar læringsplattforma SKOOLER, meldesystemet Transponder, og er skuleåret 2019-2020 ein leksefri skule! Leksefri skule er noko me prøver ut for gjera våre eigne erfaringar med dette.