Det blir hospiteringsdagar for elevane i 10. kl onsdag 31. oktober og torsdag 1. november. Elevane skal setja opp to utdanningsprogram i prioritert rekkjefølgje som dei ønskjer å hospitera på desse dagane. Eige skriv om dette ligg som vedlegg i tillegg til at elevane har fått det utdelt på skulen. Elevane leverer ein svarslipp med ønskje sitt og underskrift frå føresett så raskt som mogleg tilbake på skulen. Hospiteringa skjer innanfor normal skuledag og det blir buss til og frå Sauda. Dei følgjer elles skulebussen som vanleg. Me ser fram til lærerike dagar i Sauda!