Korona-pandemien sette ein stoppar for skulelunsjen sist vår. Med skulestart på grønt nivå kunne vi denne veka starta opp igjen med dette tilbodet for 4.-7. trinn, og for både 4. og 5. trinn er dette nytt. Nyinnkjøpte kjøledisker er med på å gjera maten ekstra innbydande, og appetitten har vore upåklageleg desse første dagane. Det ser verkeleg ut til at elevane koser seg med måltidet. Og frå neste veke vert det to dagar med tilbod om varmlunsj.