NÅR SKAL BORNA HALDAST HEIME?   På grunn av aukande usikkerheit har me på skulen og i barnehagen prøvd å lage tydelege retningslinjer, saman med kommuneoverlegen: Born skal være heime når dei har minst eitt luftvegssymptom, som rennande nase, sår hals, hoste, feber, tapt lukt og smakssans og/eller sjukdomskjensle. Born over 10 år bør testast så snart som mogleg. Born under 10 år kan sjå det an i 1 til 2 dagar, før dei bør testast. Om borna vert friske innan 2 dagar, kan dei komme tilbake på skulen. Ved allergi eller kronisk rennande nase, ta kontakt med skule/barnehage. Ved negativt testresultat kan borna komme tilbake på skule/barnehage, om allmenntilstanden elles er god. Me håpar på forståing for at det kan bli nokre ekstra telefonar frå barnehage og skule, då me må nytte «føre var» prinsippet, for å beskytte alle borna.  Med god dialog mellom foreldre, barnehage og skule skal me få dette til. Er du eller borna sjuke, og det vil teste dykk, ring 53 65 60 43, teststasjonen i Ølen. Er du i tvil, ta kontakt med fastlegen.