«Alt var sikkert betre før»  
    
Kulturskulen har gleda av å invitera til førestilling. Vi har alle levd i ei annleis og utfordrande tid det siste året, men ungdomane i kulturskulen har likevel arbeidd målretta med å skape ei heilt ny musikalførestilling med rykande ferskt manus for 2021.
På grunn av Koronasituasjonen følgjer vi gjeldande smittevern-restriksjonar. Det vert ein litt ekslusiv framføring med begrensa publikumsplasser i salen og Kohortar på scenen.

Velkommen – vi gler oss!

Skuleframsyningar på dagtid 25. og 26.mars. Kveldsførestillingar 25.mars kl. 17.00 og 19.00
Billettar kjøpast via Storstova sitt billettsystem på www.storstova.no   
Vaksne kr 100,-   Barn kr 50,-        

I kulturskulen sin ungdoms-førestilling møter de dette året tre ungdomar frå Bryne. Dei er alle lei av å leva med korona-restriksjonar og lurer på om det snart er tid for at ting endeleg skal bli normalt igjen.
Dei begynner å fantasera om at det sikkert var lettare å vera ungdom før, for eksempel for 20 år sidan........Men var det eigentleg betre før? Korleis var det å vera 16 år for tjue år sidan? Var det veldig annleis å vera ung på 80-talet? – og kva med 60 talet? Korleis hadde ungdomar det på Bryne då? Korleis var eit liv utan nettbrett og mobiltelefonar?
Hadde dei som er ungdomar i dagens samfunn klart å tilpassa seg slik det var for tjue, førti eller seksti år sidan?
Bli med oss på ei spennande musikalsk reise gjennom tiåra. Kanskje du oppdagar noko heilt nytt?

PS: Dersom du er vaksen og tilhøyrer foreldre/ besteforeldre- generasjonen, kan det rett og slett tenkjast at du kan koma til å kjenne deg att.                    

Time kulturskule 50 år   1971-2021