Få timar etter at dei 200 lærarane hadde avslutta kursa på digital deledag venta me storinnrykk til foreldremøtet om lesing. Elevane hadde førebudd seg i fleire dagar. Dei arrangerte boksal, kafé, utstillingar, digitale bokmeldinger, info om lydhør, eBokBib og hadde lese mykje for å koma med gode døme på bøker. Takk til FAU, elevrådet, elevane og Klepp bibliotek for alt denne kvelden. Takk til alle dei som kom! Synd at ikkje fleire føresette fekk det med seg..
Lesing er heilt grunnleggjande i dagens samfunn. Me treng eit godt samarbeid med alle føresette for å lukkast i leseopplæringa. Bilete til artikkelen fortel meir enn ord. Ta kontakt med skulen eller biblioteket om du treng hjelp, tips eller har spørsmål om lesing.