Då er det dags, nye utfordringar står å venta på meg. 

Eg vil takke alle elevane, føresette og tilsette for nokre fine år her på Vestbygd skule.

Hald fram med å vera raus, gjera kvarandre gode og halde vedlike det gode samarbeidet de har synt gjennom tida eg har vore her.

Eg ønskjer dykk ei lys og fin framtid!

Mvh

Monica Vabø Reigstad

Rektor Vestbygd skule

Tiltaka i samanheng med Koronautbrotet held fram til 13.april; andre Påskedag! Skulen er fram til då stengd og fjernundervisninga held fram. Skulen held open på digitale kanalar/ plattformar. Kvardagen er annleis og kanskje meir krevjande for oss alle. Me må visa tolmod, uthald og vera rause med kvarandre. Tusen takk så langt til elevar, føresette og tilsette for at de syner god samarbeid i ein ekstraordinær situasjon. Hugs å vaske hender, host i albogen og hold avstand! Då kjem me oss raskare attende til ein normal kvardag. Det gler eg meg til.

Monica Vabø Reigstad

Rektor

Det blir lagt ut opplegg om kva,og korleis elevane skal jobbe heime på kvar enkelt klasse si "heimeside". Dersom de trykkjer på  FRAMSIDE, oppe i høgre hjørne, får de fram dei ulike trinna. Så får vi gjere så godt vi kan, både heim og skule. Lukke til med arbeidet!

Bua er ein utstyrsentral der alle kan låne sport og fritidsutstyr gratis. Her har vi bl.a. skiutstyr, syklar, telt, skateboard, fiskeutstyr og mykje meir. Til våren får vi inn nytt utstyr som er retta mot aktivitetar i sommarhalvåret.   For å bli lånar må ein gå inn på www.bua.io og registrere seg som låntakar i Bua frekhaug – eller ein kan komme til Bua så kan vi hjelpe til med registreringa. Viss ein ønskjer at barna sine skal kunne gå og låne i Bua må ein enten registrere barnet som medlåntakar (då må barnet ha eiga mail adressa og telefon nummer) eller foresatte må vera med å låne.   Utstyret ein låner kan ein låne opp til ei veke.  

Bua Frekhaug held til i gamle brannstasjonen på Frekhaug. Adresse: Havnevegen 45. 
Opningstider er tysdag og torsdag frå klokka 16.00 til 18.00. 
Meir informasjon om BUA Frekhaug finn du på: https://www.facebook.com/buafrekhaug/ og www.bua.io  

Kontaktinformasjon (i opningstida til BUA): Tlf. 966 25 341 Mail: buafrekhaug@gmail.com  

Velkommen inn i BUA Frekhaug    
Nina Randal | Leiar Frekhaug frivilligsentral Telefon: 56 17 10 66 / 412 45 661 Innbyggjarservice: +47 56 37 50 00
www.alver.kommune.no