I dag hadde vi storfint besøk på skulen av DKS-forestillinga "Bach goes HIP HOP", og det var utruleg kjekt! Sjeldan har vi vore så svette og glade etter forestilling, men det var ikkje rart, for jammen fekk me dansa og gjort hip hop i publikum også!
Det var Werner Bryn (Cello), David Bryn (Dans, beatboxing, trommer og sang) og Ole Petter Knarvik (Dans) som viste oss kunst i dag!
Me fekk høyre musikk av blant andre Johan Sebastian Bach og Charles Camille Saint-Saëns - og tenk at det går an å danse breakdance og beatboxe til musikk som er over 300 år gamal!