I dag fekk vi vere med på Felefest! Vi er så heldige som får oppleve levande musikk på skulen vår, fordi Den kulturelle skulesekken finnast!
Det var Sigrid Moldestad, Anders Bitustøyl og Øystein Knaus Fosshagen som kom med både fiolin, gitar, el-bass, mandolin og ikkje minst hardingfele!
Me fekk høyre historieforteljing om korleis felene vart forsøkt brent opp, og om lure spelemenn og speledamer som likevel klarte å redde felene sine. Takk og lov, for viss ikkje er det ikkje sikkert at vi hadde fått oppleve felemusikk!
Me fekk høyre folkemusikk av både ny og gamal dato, til dømes Fanitullen, Tippe Tippe Tuve og mykje meir.
Tusen takk for besøket, flinke musikarar! Elevar og vaksne takkar for festen!