Publisert: 09. oktober 2026 | Sist endra: 09. oktober 2026 | Forfatter: Torstein Fjelde

Haustferie på base 3

For ei fantastisk haustferie vi har hatt på Base 3! Denne veka har vi verkeleg fått brukt både hovudet, kroppen og fantasien.

Bilder fra den uka vil bli lagt i bildegalleri ut i neste veke.

Vi har løyst mysterium, reist ut i verdsrommet, vore på ridddareventyr, utforska skogen og laga mat til heile SFO.
Det har vore ei veke fylt med samarbeid, meistring, latter og mange gode opplevingar!

Måndag – Mysteriet på SFO: Haustferiens Escape Room

Vi starta haustferien med eit mystisk oppdrag! Ein ukjend person hadde gøymt ein hemmeleg skatt på SFO, og barna måtte samarbeide for å finne han.
For å klare oppdraget måtte dei gjennom seks ulike utfordringar. Her fekk dei bryne seg på alt frå talgåter og hemmelege meldingar til logiske oppgåver, LEGO-bygging og mystiske speil meldingar.
Kvar oppgåve gav barna eit nytt kodetal og ein ledetråd som førte dei vidare i mysteriet. Til slutt måtte dei samle alle kodetala og finne den hemmelege sluttkoden som kunne opne skattekista.
Her var det ikkje nok å vere rask – barna måtte lytte til kvarandre, tenkje kreativt og samarbeide for å kome vidare. Ei spennande og lærerik start på haustferien!

Tysdag – Ei reise ut i verdsrommet på Vitenfabrikken

Tysdag satte vi oss på bussen og tok turen til Vitenfabrikken i Sandnes. Her fekk barna utforske, eksperimentere og lære gjennom leik og spennande aktivitetar.
Eit av høgdepunkta var besøket i planetariet, der vi fekk vere med på ei fascinerande reise ut i verdsrommet! 🚀
Her reiste vi mellom planetane i solsystemet vårt, fekk sjå korleis dei ser ut, og lærte mange spennande fakta om kvar enkelt planet. Det var ei lærerik og spennande oppleving som verkeleg sette fantasien og nysgjerrigheita i sving.
Ein flott dag fylt med utforsking, undring og nye opplevingar!

Onsdag – Riddarens åtte prøver: Jakta på den tapte krona

Onsdag skjedde det noko heilt spesielt på Base 3! Den frykta Skyggedragen hadde stole den gylne krona til kongen, og SFO-riket trong hjelp frå modige riddarar!
Barna fekk i oppdrag å gjennomføre åtte riddarprøver for å finne krona og redde kongeriket.
Først måtte dei avleggje riddareiden, der dei lova å hjelpe kvarandre, lytte og aldri gi opp. Deretter venta ei rekkje spennande utfordringar!
Dei måtte mellom anna kome seg over ei forbode elv utan å falle i vatnet, knekke trollmannen sin hemmelege kode, frakte eit skjørt drageegg gjennom ei hinderløype og byggje ei borg som kunne forsvare kongeriket.
I den mørke skogen måtte dei leite etter magiske bokstavkort, og undervegs fekk dei også utfordra seg med dragens gåter.
For kvar beståtte prøve fekk dei ei rune, og til slutt venta den aller viktigaste utfordringa: Kva er sterkare enn både sverd, skjold og drageeld?

Svaret var sjølvsagt SAMARBEID! 

Gjennom eventyret fekk barna bruke både fantasi, kreativitet, problemløysing og samarbeidsevner. Ein dag der leik og læring gjekk hand i hand, og der alle kunne bidra med sine eigne styrkar!

Torsdag – Turdag til speidarhytta

Etter fleire dagar med mysterium og spennande oppdrag var det tid for å kome seg ut i naturen!
Torsdag pakka vi sekkane og tok turen til speidarhytta. Her fekk vi ein herleg dag med frisk luft, pølsegrilling og masse leik i skogen.
Barna fekk utforske naturen, bruke fantasien og skape sine eigne leikar. Skogen byr på uendeleg mange moglegheiter, og det var kjekt å sjå korleis barna fann på aktivitetar og koste seg saman.
Med pølser på grillen, gode samtalar og mykje latter blei dette ein flott turdag!

Fredag – Vi laga pizza til heile SFO!

Kva passar vel betre enn å avslutte ei innhaldsrik haustferieveke med ein skikkeleg pizzafest?
Fredag tok vi på oss kokkehattane og sette i gang med å lage pizza til heile SFO!
Her fekk barna vere med på å bidra til noko som kom alle til gode. Matlaging handlar ikkje berre om mat, men også om samarbeid, ansvar, fellesskap og gleda ved å skape noko saman.
Det blei ein smakfull og sosial avslutning på ei fantastisk veke!
Ei veke med fellesskap, meistring og gode minne.

Når vi ser tilbake på haustferien, sit vi igjen med mange flotte opplevingar.
Gjennom aktivitetane har barna fått utfordra seg på ulike måtar. Nokre har fått bruke dei kreative evnene sine, andre har fått bryne seg på logiske oppgåver,

medan fleire har fått vist kor gode dei er til å samarbeide og hjelpe kvarandre.
For oss på SFO er det viktig at barna får oppleve meistring, vere ein del av fellesskapet og kjenne på gleda ved å skape gode opplevingar saman.

Tusen takk til alle barna som har vore med på å gjere haustferien på Base 3 så kjekk!

Helsing
Oss vaksne på base 3