I følgje opplæringslova §11-2 skal alle skular ha elevråd som jobbar med mellom anna læringsmiljø, arbeidstilhøve og velferdsinteressene til elevane.
Elevrådet skal snakke for alle elevane på skulen, dei er representantar for klassane sine, og har eit stort ansvar for å bidra til å skape eit godt miljø på skulen
Elevrådsrepresentantane må:
- Få informasjon frå andre elevar om meiningane og forslaga deira
- Få tid i klassen til å snakke om viktige saker og om kva som kan bli betre på skulen
- Få informasjon frå rektor om reglar, planar og økonomi
- Gje informasjon vidare til andre elevar om kva som er bestemt og kva planar som er lagde
- Gje informasjon til rektor og lærarar om elevane sine meiningar og forslag