Meny
Velg trinn/seksjon Framside
Sveinsvollsvegen 5 4340 Bryne
Telefon: 51 77 64 40 Faks: 51 77 64 41 Send e-post til oss
Redaktør: Elsa Djuve Jerstad
Gå til Its Learning
Calendar
Title and navigation
Title and navigation
<<<februar 2016><<
februar 2016
mtotfls
25262728293031
01020304050607
08091011121314
15161718192021
22232425262728
29010203040506
Vervarsling frå yr.no, levert av NRK og Meteorologisk institutt
Oversett siden til et annet språk
Translate page to another language
Traducir la página a otro idioma

Skulen hadde innsamlingsaksjon til Hei verden  i haust. Pengane er nå sette inn til Hei verden.

Me samla inn totalt 120 079 kr. Erlend Aano frå Hei Verden helsar og takkar så mykje!

Trinna har arbeida godt og samla inn:
8. trinnet hadde foreldrekveld: 25.324 kr
9. trinnet hadde bøsseinnsamling: 51.506 kr
10. trinnet hadde arbeidsdag: 43.249 kr

Tusen takk til alle!


Den kulturelle skulesekken gav 7. desember alle elevane på Bryne ungdomsskule ein konsert med bandet Tazano. Tazano er eit band med fem tanzanianske og norske musikarar. Med drivande rytmar og fengande melodiar tek bandet publikum med til ei spennande musikalsk verd. Tanzania er eit land fattig på pengar, men rikt på kultur, og det vart prova til fulle under denne konserten. Musikarane trefte kvarandre for fyrste gong i Bagamoyo i Tanzania i 2008. Etter det har dei spelt saman nesten kvart år. Dei har spelt konsertar både i Tanzania og i Noreg, inkludert den kritikarroste opningskonserten på MaiJazz i 2010.

Under trafikk-kontrollen på Rosseland kom det fram at mange av ungdomsskuleelevane var lite synlege. Det mangla både lys og refleks på syklane! Hjelmar var og ein manglevare!

Me oppfordrar alle elevane om å bruka refleks og lys! Det er og lurt å ha hjelm på hovudet!
Ta ein prat heime om dette!
  

http://jbl.no/index.php?page=vis_nyhet&NyhetID=38051


Rosseland skule arrangerer trafikkaksjon på skulevegen ein av dei første dagane.  

Statens vegvesen, politiet og nokre foreldre vil vera stasjonerte på ulike plassar på skulevegen til Rosseland skule.   Det vil vera fokus på trafikktryggleik – er dei som er på veg til skulen synlege og tar dei hensyn til dei andre som er på veg til skulen? Me veit at det er plassar som kan vera uoversiktlege og skapa farlege situasjonar. 

Elevane vil få utlevert refleks.  

Elevar fra Bryne ungdomskule som bur på Rosseland blir også med i aksjonen.  

Me oppfordrer alle til å tenkja på trafikktryggleik på skulevegen!

Skulen skal få eit nytt påbygg som skal stå klart hausten 2017. Anbudet blei sendt ut i dag, og alt er førebels i rute.

Bygget som Time Språkstasjonen var i skal rivast snart. Det blei i dag sett opp gjerde rundt dette bygget. Planen er at bygget skal vera rive innan januar. Byggjestart er planlagd i februar/mars 2016.

Me bed foreldra om å snakka med borna, om at dei må halda seg vekke frå anleggsområdet. Det vil vera ein del anleggstrafikk, og det er då viktig med forsiktig sykling i dette området. Me råder elevane om ikkje å sykla opp bakken i Sveinsvollsvegen.

I tillegg minner me om at elevane bør ha lys, refleks og hjelm når dei syklar!


Røde kors har starta opp eit flott og gratis tilbod til alle som ynskjer leksehjelp. Kvar tysdag frå kl 16.30-19.30 kan dei som ynskjer få hjelp i Røde Kors-huset med lekser. Det vil vera fleire vaksne som kan hjelpa dei med dei aller fleste faga. Dei hadde god kompetanse i alle språkfaga og i matte/naturfag. Dei som kjem vil og få gratis frukt. Ein kan koma når det passer, og ein treng ikkje vera der heile tida.

Rektor Ragnar Lillemo har nå starta opp i sin nye jobb som inspektør på Bryne Kompetansesenter. Elsa Djuve startar opp som rektor 1. januar 2016. Fram til årsskiftet vil Monica Penne Norheim vera fungerande rektor.

Erling Knutzen vil vera trinnleiar på 8. trinnet fram til ny rektor er på plass.

Bryne Ungdomsskule har kantine, der det er sal kvar dag.  Det er brødmat med mange ulike pålegg å velja i mellom.  Måndag, onsdag og fredag lagar valfaggruppene ulik mat som lapskaus, pastasalat, pizzasnurrar, baguettar mm.  God morgon-yoghurt og vanlege yoghurtar kan ein og kjøpa.  Når det gjeld drikke, kan ein velja mellom mjølk, Litago og ulike justypar.  Betalinga skjer kontant eller med klyppekort i kantina. Klyppekort er billigast!  Elevane må fylla ut eit skjema som føresette må skriva under på, for å få kjøpt eit klyppekort.  Skjemaet får du på skulen, eller du kan printa ut skjemaet frå heimesida.  Føresette vil då få ein giro i posten.