Det har oppstått trafikkfarlige situasjonar ved køyring til skulen
Eg vil be om at det vert slutt på at born vert køyrde inn på parkeringsplassen på skulen om morgonen, utan at det er absolutt behov for det.
Det har allereie oppstått fleire traffikkfarlige situasjonar for elevar som går til skulen.
Det har òg vore samanstøyt mellom bilar som køyrer elevar til skulen.
Dersom ditt born ikkje kan gå til skulen sjølv, og det er behov for at eleven vert køyrd, vil me oppfordra om at ein nyttar droppsona før innkøyring til parkeringsplass ved skulen (A). Her kan elevane følgja fortau og gå opp og over grusbanen for å komma til klasserommet sitt.
Eit anna alternativ er å slippa av eleven ved Orstadhuset (B) – og eleven følgjer grusvegen over haugen til skulen. Om du køyrer til skulen og vil følgja bornet ditt til klasserommet, er det denne parkeringsplassen du nyttar.
Minner òg om gangveg som går frå busshaldeplassen ved hovudveg opp til skulen (blått).
Alle elevar på Orstad skal ha ein sikker skuleveg – trafikken me har til skulen no bidrar dessverre ikkje til det.
