I forbindelse med prosjektet vårt "Traces of Europe" har dei eldste elevane på skulen, 7.trinn, laga ei SWOT analyse om det å vere ein del av Europa.
Bokstavane i SWOT står for Strenght, Weakness, Opportunities og Threats. Ei SWOT analyse vil altså seie å ta for seg styrkane, svakheiter, moglegheiter og truslane rundt ei sak.
Dette er ein ganske vaksen måte å jobbe på, og vi var veldig spente på korleis elevane ville klare det. Men dei arbeidde kjempebra, først i små grupper, og så i plenum i klassen. Dei hadde mange tankar om korleis det var å vere ein del av Europa.
Dei andre landa som er med på prosjektet "Traces of Europe", vil og lage ei SWOT analyse i sine land. Resultata vert etterkvart lagt ut på prosjektet sine heimesider. I vedlegget kan de lese heile SWOT-analysa, og sjå kva tankar elevane har om det å vere ein del av Europa.