Turar veke 24
På onsdag deles trinnet i to. Halvparten skal då ha eit rebusløp i nærområdet, medan den andre halvparten reiser på gårsbesøk til Torulv Time. Deretter byter dei. 
På torsdag er det munnleg eksamen for 10.trinn. Då reiser heile trinnet på strandtur. Me skal sykla bort, så alle må ha med sykkel og hjelm. Du må kunna trø på sykkelen du skal sykla på. Ta med nok mat og drikke og klede etter vêret. 

Tinghaugløpet
Tradisjon tru er det Tinghaugløpet i 5 og 6 tima på fredag i veke 24. Ta med løpeklede og gode sko. 

Prøvemunnleg veke 25
Mandag til onsdag skal 9.trinn ha prøvemuntlig. Dette er først og fremst for å gi elevene mulighet til å trene på denne vurderingsformen. Den vil likevel kunne telle positivt på karakteren i det faget de kommer opp i. 

Siste skuledag
Siste skuledag møter elevane kl 08 på skulen for å rydda det siste i klasserommet, og flytta inn i dei klasseromma dei skal ha neste år. Deretter skal trinnet ned på Bryne kino og sjå ein film saman. Vi lærarane på 9.trinn ønskjer alle saman ein riktig god sommarferie!🌞

Anna informasjon
I løpet av dei siste to vekene skal elevane levera inn bøkene. Alle bøker som er delt ut er registrerte på elevane. Om ein ikkje finn bøkene sine forventar me at de leitar godt.

Bryne ungdomsskule oppmodar alle elevar til å stille i barnetoget på 17. mai for å feire saman med resten av skulen og Bryne.
Det er oppmøte på Bryne stadion kl. 0900. Toget går kl. 0930. Meir informasjon finn de her. 17. mai 2025

Ta med deg flagget og møt opp i finstasen!

17.mai
17.mai fell på ein laurdag i år, men me reknar likevel med eit godt oppmøte på 9.trinn. Fleire av
elevane har konfirmert seg og me håpar dei kjem å viser seg fram i nye dressar, kjolar og
bunader. Det er også 9.trinn som skal bera fane og flagg for skulen i år. Oppmøte er på Bryne
stadion kl 09.00. Hipp hipp hurra for 17.mai!

Besøk av helsesjukepleiar
22.mai kjem helsesjukepleiar på besøk igjen i klassane. Dette er del to av opplegget dei har med
elevane på 9.trinn.

Vurderingar
Det kjem fleire vurderingar no på løpande band. Det er viktig at de følgjer med på vekeplanen og
har kontroll på når dei ulike vurderingane er og når dei ulike skal leverast inn. Ei større vurdering
vil vera tysdag 20.mai. Då skal elevane har terminprøve i matematikk.

Helsing oss på 9.trinn

Foredrag Atea.
Onsdag 9.april kjem Atea og skal ha foredrag for 9.trinn. Dei vil snakke om tryggleik på nett.

Ungdomsmusikal i Storstova.
Velkommen til kultuskolens årlige ungdomsmusikal, "Dronning uten hoff - en gruppeselfie".
Framsyninga skal vere i Storstova og startar kl 12.30.

God påske!
Vi ønskjer alle ein riktig god påskeferie! Håpar de får lada batteria godt. Første skuledag etter
ferien er onsdag 23.april.

Utdanningsval
Frå 24. - 30. april skal elevane på 9.trinn ikkje ha vanleg timeplan, men utdanningsval-veke. Her
skal dei fordjupe seg i eit utdanningsprogram frå den vidaregåande skulen, gjennom
arbeidspraksis, prosjekt, turar og hospitering på vidaregåande skule. Elevane har ulike planar.
Oversikt over dagane finn de under vekeplanen her. Erfaringa vår er at dette er veldig gøy og
lærerik erfaring for elevane, og vi gler oss veldig!

Fri torsdag og fredag veke 18.
Torsdag i veke 18 er 1. mai, og er ein fridag. Elevane har også fri fredag 2.mai.

Helsing oss på 9.trinn

Den kulturelle skulesekken
Den 31. mars kjem det besøk frå DKS. Dei skal ha forestillinga “The Game We Play”, som er ei
parkour- og danseforestilling. Den skal me sjå i gymsalen.

Besøk av helsesøster
3. april kjem helsesjukepleiarar Charlotte og Camilla innom klassane. Dei skal då gjennomføra
første del av eit undervisningsopplegg om seksualitet.

Utviklingssamtalar og varsel
Lærarane vil snart starte opp med utviklingssamtalar. I samband med dette vil det også snart bli
sendt ut eventuelle varsel om manglande vurdering i fag og fare for nedsett karakter i orden og
åtferd.

Helsing oss på 9.trinn

Bryne ungdomsskule er ein Olweusskule, det vil seia at me arbeidar jamnt og trutt med antimobbearbeid etter Olweusprogrammet. 

I veke 10 og 11 vil me gjennomføra ein ny Olweusundersøking på alle trinn.

Elevrådet vil ønska alle velkommen til vinterballet 2025!

Under finn du ei oversikt over kva som skjer. Det vil vera kafé i kantina etter at alle trinna har fått pizza og brus. I mingleområdet i 3. etasje blir det sett ut spel og me vil også ha oppe bordtennisbord. I Gymsalen er det laga til diskotek.

Me har eige fotorom fordi me ikkje ønsker at det blir filma og tatt bilder andre stader under ballet.
Vinterballet er alkoholfritt og det vil bli tatt vilkårlege testar med alkometer.
Til slutt vil me minna om at alle har ansvar for at alle skal ha det kjekt på ballet!

Oppmøte for dei ulike trinna ved hovudinngangen: 
18.50 8. trinn 
19.10 9. trinn
19.30 10. trinn

20.00 Velkommen og opning av ballet i gymsalen.
20.30 Kiosk i kantina er open. Fotoshoot i stort møterom i 2. etasje.
21.30 Kåringar i gymsalen
22.30 Takk for i kveld.

Det er mogleg å bruka diggipay dersom de vil kjøpa noko i kantina etter at maten er ferdig.

Vipps 150 kr til 546674

- Merk betaling med vinterball, navn og klasse
- Frist for betaling er 17. januar

Godt nyttår 
Godt nyttår alle saman og velkomne tilbake! Håpar alle har hatt ein fin ferie og har fått lada batteria godt. Me ser fram mot lysare tider ute og håpar de er klare for å gi ein innsats på skulen. 

Tur til Brynehaugen
Måndag 6.januar dreg trinnet og akar på Brynehaugen frå 4-6.t 

Ny lærar på trinnet 
Hilde-Kristin Engelsgjerd starta hjå oss 1. januar. Velkomen til oss! Hilde-Kristin tek over KRLE og engelsk i 9B etter Hilde Jorunn, og skal vera tolærar i alle fire klassane, så ho blir godt kjend med trinnet. Signhild tek forøvrig over engelsk i 9D.  

Fagdag UTV 
16. januar er det fagdag, og me får besøk frå den vidaregåande skulen (vgs). Elevane får høyre tre korte foredrag (25 minutt) om tre sjølvvalde utdanningsprogram frå vgs. Det er 15 utdanningsprogram i vgs, og denne dagen kan dei velje mellom 10 av dei. På neste fagdag (5. juni) kan dei òg velje dei som ikkje er med 16. januar. Rett etter fagdagen skal dei setje opp kva utdanningsprogram dei ønsker å fordjupa seg i når me kjem til utdanningsval-veka i veke 17. Då skal dei hospitera på eit utdanningsprogram på vgs ein heil dag og ut i arbeidspraksis ("arbeidsveka"). Arbeidspraksisplassen skal vera relevant i høve til utdanningsprogrammet dei fordjupar seg i, så dei kan ikkje skaffe seg arbeidspraksisplass før dei har fått tildelt eit utdanningsprogram og fått datoane for arbeidspraksisen. Dette kjem kring 1. februar. 

Terminkarakter 
På grunn av at musikkfaget berre har ein time i veka, vert det ikkje gitt karakter i dette faget før til sommaren.  Når me kjem til 10. trinn, søker elevane vgs med vitnemålskarakterane (sommaren på 10. trinn). Dette gjeld ikkje dei som søker privatskular, som Tryggheim, Akademiet og Wang. Dei må søke med 10.trinn-julekarakterane. Sidan desse ikkje har mat og helse (som vert avslutta på 9. trinn) og musikk, vert desse ført over frå sommarkarakter-skjema frå 9. trinn til julekarakter-skjema for 10. trinn. 

Vinterball veke 4 
Torsdag 23.januar skal me arrangera vinterball! Dette er eit veldig kjekt og samlande arrangement som me håpar alle på 9.trinn vil vera med på. Dei som var med i fjor såg i allfall ut til å kosa seg masse! I samband med dette har foreldrekontaktane fått i oppgåve å skaffa vakter. Her må de berre melda dokke på! 

Helsing oss på 9.trinn 

Me ynskjer elevar og føresette ei god jul og eit godt nyttår!
Takk for godt samarbeid i året som har gått.

Første skuledag etter nyttår er fredag 3.januar.

Elevbedrift 
Takk til alle som kom på elevbedriftsmessa! Me er stolte av elevane på trinnet som laga ei så flott messe. 

No skal bedriftene avviklast. Dei får eit par veker på seg til å selje ut varelageret sitt. Elevane skal tilbakebetala eventuelle andelar, gjera ferdig rekneskapet sitt og betala skatt. Skattepengane går tilbake til elevane i form av felles aktivitetar. 

Hei verden 
Måndag startar me opp med kick off i aulaen, der ein representant frå Hei verden kjem og informerer om prosjektet. Elevane skal læra om solidaritetsarbeid, Hei verden sitt arbeid og  Zambia som er landet me samlar inn pengar til.  

Bøsseinnsamlinga me skal ha onsdag 27.november kolliderte med ei samling for konfirmantane i kyrkja, så me har flytta tidspunktet for innsamlinga til kl 17.00-18.30. Då vil dei rekke å få med seg begge deler. Oppmøte i trivselsrommet. Elevar som bur på Hognestad har eigen avtale med lærar. 

Ordensreglane 
Me har ein del elevar som forlet skuleområdet i matpausen. Det står i ordensreglementet vårt at elevane skal vere på skulen heile skuledagen. Det er problematisk at elevar forsvinn i løpet av dagen utan at me veit kor dei er, då me har ansvar for dei. Me ber dykk om å ta ein samtale om dette heime. 

Me minner også om at mobiltelefonar enten skal ligga att heime eller leverast i mobilhotellet. Me veit at mange elevar har mobilen liggande i sekken og lar vere å levera den i mobilhotellet. Fleire av dokke har meldt frå om at mobilen ligg heime, så sjekk at det framleis er tilfelle og gje kontaktlærar beskjed dersom avtalen er endra. 

Gudsteneste og adventssamling  
Onsdag 18. desember skal BUS arrangera gudsteneste og adventsamling. Elevane i samråd med føresette kan velga kva for eit arrangement dei vil vera med på. Føresette går inn på Visma, og gjer samtykke til om dei skal vera med på gudsteneste. Svarer ein nei til gudsteneste vil elevane vera med på adventssamling på skulen. Svaret de la inn i fjor er enno gjeldande, inntil de eventuelt endrar det. 

Helsing oss på 9.trinn 

Foreldremøte 9.trinn 
Minner om foreldremøte med Sterk & klar i kantina onsdag 6.november kl 18.00-19.30. 

Utviklingssamtalar 
Dokke får innkalling til utviklingssamtale med kontaktlærar i løpet av november. Eleven skal vera med på samtalen. Det er forventa at dokke på førehand har vore inne på Foreldreportalen i Visma Flyt skole og lese framovermeldingane i dei ulike faga. 

Tannhelse 
Fredag 8.november får me besøk av tannpleiar som skal ha eit undervisningsopplegg om tannhelse. Dette dekker nokre av kompetansemåla i mat og helse. 

Elevundersøkinga 
I dei komande vekene skal me gjennomføra elevundersøkinga på heile skulen. Me bruker svara på undersøkinga til å jobba målretta med skulemiljøet og trivselen til elevane. Det er frivillig å svara på elevundersøkinga, men me ønsker helst at alle deltek, og svarer ærleg og så godt dei kan, slik at me har mest muleg rett informasjon når me skal jobba vidare med dette. 

Elevbedriftsmesse 
Elevane er i full gang med produksjon og sal av varer og tenester i elevbedriftene sine. Onsdag 13.november arrangerer me ei messe i gymsalen kor bedriftene får vist fram produkta sine. Det blir anledning til å kjøpa varer frå dei som har noko att å selje, og det blir prisutdeling frå Ungt Entreprenørskap. Me håper foreldre, søsken og besteforeldre tar turen innom og ser mellom kl 17.00 og 18.30. 

Innsamlingsaksjon Hei verden 
Skulen samlar kvar haust inn pengar til Hei verden sine bistandsprosjekt rundt om i verda, og i år har me valgt å støtta prosjekta dei har i Zambia. 
9.trinn skal ha bøsseinnsamling, og alle elevane på trinnet må halde av onsdag 27.november kl 17:30- ca 19:00. Det er obligatorisk oppmøte, og elevane får avspasera denne tida seinare. Meir informasjon kjem når det nærmar seg. 

Planleggingsdag
Fredag 15.november har skulen planleggingsdag. Elevane har då fri.

Helsing oss på 9.trinn

Iselin Gjære Lothe er tilsett som ny rektor ved Bryne ungdomsskule.

Ho jobbar i dag som avdelingsleiar på 9. trinn ved skulen. Ho har vore tilsett ved skulen sidan april 2020.

Ho er engasjert i skuleutvikling og eleven si læring og gler seg til å ta fatt på jobben som rektor ved BUS allereie frå 1. november.