I dag har 5.og 6.trinn på Bryne og Rosseland delteke på mosjonsløp i Sandtangen.
Det var pensjonert gymlærar og løpsentusiast Sven Serigstad som drog i gang mosjonsløpet i Sandtangen. Han fekk god hjelp frå SATS Bryne, Sparebanken Sør og Time kommune.
Etter ein oppvarmingsrunde i lag med instruktør frå SATS, blåste Sven Serigstad i gang løpet. Sjølve løpet var ei ca. 2 km lang løype inne i Sandtangen. Det var mange spreke og ivrige ungar som sprang gjennom løypa. Rundt i løypa var det musikk og heiarop!
Etter at alle elevane hadde kome i mål, trakk Sparebanken Sør sin representant ut premier på startnummer.
Det var god stemning i Sandtangen både før, under og etter løpet!