Måndag var mellomtrinnet og ungdomsskulen på Sinnes på tur til Tonstad for å sjå den nye filmen Kongens nei.
Måndag 26.09 reiste både mellomtrinn og ungdomsskule ned til
Tonstad for å sjå filmen Kongens nei. Den eine manusforfattaren av filmen, Jan
Trygve Røyneland, har sjølv gått på skule på Tonstad, og ville gjerne visa
filmen for elevane i Sirdal. Før filmen fortalde Røyneland litt om korleis det
var å arbeida med filmen, mellom anna at det kosta mykje pengar og at det tok
lang tid frå dei byrja på filmen til me fekk sjå han på kino. I tillegg fekk me
høyra om kva ein eldre mann i kinosalen opplevde då dette skjedde, og at han
faktisk hadde møtt kong Haakon.
Filmen handlar om tre døgn i april 1940 då kong Haakon VII,
resten av kongefamilien og regjeringa flykta frå Oslo då tyskarane angreip. Konges nei har fått bra omtale i media, med
terningkast 5 og 6. Elevar og lærarar på Sinnes er einige i terningkasta, og kan tilrå filmen!
Gå inn på denne lenkja for å lesa meir om filmen, og sjå
trailer:
Konges nei på Filmweb
Elevane måtte sjølvsagt leika seg litt på uteområdet til Tonstad skule før me tok turen inn i kinosalen.