Ungdomsskulen fekk besøk av to frå Aust-Agder museum og arkiv. Dei hadde eit opplegg for oss som heitte "Hvor ble det av skogen?".
Me veit at naturen mange gonger må vika for økonomisk vekst og her blei det sett fokus på berekraftig utvikling gjennom å bruka regionen si historie. Elevane blei delte i grupper og sett til å løysa ulike oppgåver. Her måtte ein samarbeida godt og arbeida fort. Mellom kvar oppgåve fekk me sjå ein filmsnutt. Her var ein utryddingstrua bille hovudperson.
Me fekk høyra om gruvedrift, trelasthandel, skipsbygging, skipsfart og byggeskikk. Faktisk så finn ein 20% av all byggingsmasse i Noreg som er frå før 1650 i Setesdal! Me fekk òg pusla, lafta og spela "utryddingsjenga".