Denne vekas uteskule tok utgangspunkt i det samfunnsfaglege kompetansemålet som tek føre seg det å utforska og skildra kulturminne og kultur- og naturlandskapet i nærmiljøet. Så kva har me av kulturminne og kultur- og naturlandskap i naturen her på Sinnes?
Me hadde på førehand sett på eit par bilete frå Sinnes. I tillegg nytta me søkemotoren Kulturminnesøk, der me fann eit par døme på historisk viktige punkt i nærområdet vårt. I dette tilfellet to steinkvelvsbruer, der i alle fall ei av dei vert 100 år neste år.
På vegen bort mot Holmen gjekk me forbi nokre arbeidsbilar som heldt på å fiksa rekkverket.
Etterpå tok me turen attende via Soleidalen. Her såg me på gamle driftevegar... Og skitrekksbelte som hadde gjort sitt i år. Siste stopp var på Leitet. Her fann me flyttblokker frå siste istid som var flotte å klatra på... Og hoppa ned att frå.
Med tanke på veret som var meldt, vart dette ein overraskande fin tur. Takk for turen, og god helg til alle!