Når 10. klasse får avlyst eksamen, er det på sin plass at me små tek oss av eksamen på Sinnes. Difor vart eksamen i turfaget i 1. og 2. klasse i dag avlagt. Oppgåva var Sinnesvatnet rundt.
Og det er med glede eg kan seia at samtlege elevar bestod med glans.
Då me hadde runda Sinnesvatnet mot klokka, tok me ein velfortent pause på klampen, der me samstundes sjekka om jordepla me sette tidlegare, hadde teke til å spira. Diverre var det ingenting å sjå endå. Det kan bety litt av kvart, men som dei seier i Flåklypa; time vil sjåv.
Elles bugna naturen av blomar i dag, og me fann uhorveleg mange fine fargar på turen.