DKS - Skinnverkstad og polarheltens hjelparar
I dag fekk me besøk frå
Sofie Kleppe og Roni Öhman. Dei driv med skinnarbeid på Vågå, og hadde teke med seg ufatteleg mykje fint til oss her i dag.
Publisert: 16.10.2026 15:41 Sist endra: 18.10.2026 22:11 Forfattar: Torger Åge Sinnes
Sofie fortalde om Roald Amundsen, og korleis han hadde fått hjelp av samar og inuittar til å få kunnskap nok til å kunna klara turen til sydpolen. Me lærte om ulike "uluar", verktøy for å arbeida med skinn, og me lærte om korleis ein garvar skinn og gjer det hårlaust eller mjukt.
Best av alt, var at dei hadde med seg litt resteskinn slik at me fekk prøva oss på å laga kvar vår pung i reinsdyrskinn som me sydde saman med lintråd som me trakk bivoks rundt.
Til slutt fekk me dekorera pungane ved å væta dei i vatn og deretter "skriva" med eit metallverktøy på. Det gjorde vondt i fingrane!