Fredag 20. oktober spring elevane på FUS for innsamling til årets TV-aksjon: Redd Barna – La barn leve i fred.
Dei skal springa/gå rundt Stemmen på Kvernaland i sitt eige tempo. Distansen er ca 800 meter, og dei spring så mange rundar dei klarar på maks to timar.
Føresette, familie og andre (bedrifter og organisasjonar) kan støtta denne innsamlinga ved å sponsa elevane med eit valfritt beløp for kvar runde dei spring, eller med eit fast beløp. Kvar elev kan ha ubegrensa antall sponsorar. Beløpet kan vippsast til FUS på nr 792290, så vert beløpet sendt inn samla frå skulen. Hugs å markera med “TV-aksjon” i vipps.
Det blir og sal av kaker, boller etc. på arrangementet som går til same formål, og alle er sjølvsagt velkomne på arrangementet. Me startar 10.30.