Helsesjukepleiar og psykolog har faste tider dei er på skulen. Her kjem litt info om dei ulike tilboda og korleis ein tek kontakt med anten Maria eller Venla.
Helsesjukepleiar:
Telefon 48997002 (onsdag til fredag)
Maria er helsesjukepleiar på ungdomsskulen, og tilstades på
kontoret der 3 onsdagar i månaden. Fast program på ungdomsskulen er at alle i
8.klasse blir kalla inn til individuell helsesamtale. I 9.klasse vert det
seksualundervisning, og i 10.klasse får alle elevane tilbod om vaksine, som er
den siste i det norske barnevaksinasjonsprogrammet. Det kan også vera aktuelt med undervisning og
oppfølging av enkeltelevar/grupper. Elles er alle elevar velkomne på open dør,
om ein treng ein prat om stort eller smått. Ein kan også ringa/senda sms, eller
ta kontakt via foreldre eller lærarar. Ved behov for meir hjelp kan Maria
hjelpa deg med å finna rette instansane for dette.
Lavterskel
psykologtilbod:
Telefon 966 25 285
Venla er
psykolog i Samnanger, ho hjelper barn, unge og vaksne som har vanskelige
følelsar og tankar. Det kan t.d. vera behandlinga av depresjon og angst, òg
hjelp med ulike psykiske vanskar ein kan ha i ungdomsåra utan at det treng å
tilfredstille nokon diagnose. For å få time kan Maria (helsesjukepleiar) eller
lege sende tilvising, Foreldre kan også ta kontakt direkte på
telefon, 966 25 285, for å bestille ein kartleggingssamtale. På den
første samtalen kjem ungdomen saman med foreldre. Denne samtalen brukar
me på å bli kjent, finne ut kva ungdomen treng hjelp til og lagar ein plan.
Etter dette kan ungdomen møte til samtalar åleine, dersom hen ynskjer det.
Venla har fast kontortid på ungdomsskulen tysdagar 0900-1200. Venla har
taushetsplikt og kan ikkje fortelje ting vidare til andre, med mindre ungdomen
samtykker til det. Nokre gongar har ungdomen behov for meir spesialisert
behandling, psykolog kan da hjelpe til med å søkje om slik hjelp (t.d henvise
til BUP).
Psykolog,
helsesjukepleiar og sosiallærar på skulen har fast samarbeidstid med fokus på
førebygging av psykiske vanskar og fremjing av god psykisk helse for elevane på
ungdomsskulen. Elles samarbeida me også med BUP, PPT og helsestasjonslege.