Etter mat og storefri gjekk elevane i garderobane og byta til gymkle. Dei hadde på førehand fått valet om kva distanse dei skulle springa. 25 elevar hadde meld seg på 10 km, medan resten hadde vald 5 km. Det var eit tredje alternativ, ei løype på 3,2 km, men den hadde ingen vald. Elevane konkurrerete individuelt og som klasse. Den gjeve tittelen «sprekaste klasse» var fleire opptatt av å vinna. Noko taktikk, men for det meste fantastisk innsats gjorde det til ein jamn og tøff kamp. 8B tok ein hårfin siger framfor 10A, premie ventar i neste veke. Det var mange flotte individuelle resultat. Dei beste tidene på 5 km og 10 km for jenter og gutar på kvart trinn vart premiert.

Etter løpet var det ein time med leikar, quiz og litt ballspel som avslutning på ein flott dag. Kanskje vert det eit nytt skuleløp neste haust?