Skikkeleg skummelt, men for ei mestringkjensle når ein opplever at ein greier det likevel! På ettermiddagane og kveldane var det rom for timevis med volleyball- og fotballspeling, trampoline, minigolf, sjakk og prat, lått og løye på hyttene og ikkje minst ute i strålande flott seinsommarvêr, dog med aldri så lite mygg… Då vi slitne sette oss på bussen heimover fredag morgon trur eg dei aller fleste var samde om at det hadde vore ein veldig kjekk klassetur som vi kjem til å hugse lenge! At det var ein knakande kjekk gjeng å reise på tur med kan i alle fall lærarane og foreldra som var med skrive under på. Takk for turen!