Heldigvis forsvann skyene og sola kikka fram når det var oppmøte. Både lærar og elevar var letta for det og la i veg mot Flesjane. Denne gjengen var utstyrt med fleire fiskestenger og fekk dermed prøve fiskelukka etter at telt og hengekøyer var på plass. Då  fisken ikkje beit var det tre tøffingar som heller ville bade. Tidleg kveld gjekk dei saman i grupper og laga middag. Det var taco og pinnebrød på menyen, mange var overraska over kor enkelt og godt ein middag ute i naturen kunne vera. På kvelden gjekk me tur til Kvernesvatnet og dagsturhytta. Dei som ville gjekk til Hellenaustet før me returnerte med hovudlykt i mørket. Det vart ein fin avslutning på dagen der alle samla seg rundt bålet, snakka saman og slappa av. Lørdag morgon laga me egg, bacon og god smørefrokost før me pakka saman og gjekk heimover igjen. Nok ein fin tur med ein kjekk gjeng!