Tur til Gullhorgabu
Elevane som har friluftsliv som valfag gjekk frå Kvitingen til Gullhorgabu fredag 21.oktober.
Publisert: 26.10.2022 09:50 Sist endra: aldri Forfattar: Hege Jonathanson
Samnanger turlag spanderte overnatting på 27 elevar og 3 lærarar, det synes me var veldig stas då denne DNT-hytta er den einaste av sitt slag i Samnanger. Me reiste frå skulen etter lunsj og gjekk i samla flokk opp mot Gullhorgabu. Turen er omtrent 9 km i flott terreng. Me var heldige med været og fekk ein flott tur oppover. Det vart hamburger til middag og grilla banan med sjokolade til kveldskos. Etter frokost og utvask gjekk me heimatt via Dukafossen. Også denne dagen viste været seg frå si beste side og me fekk til og med litt sol då me stoppa for å spise lunsj. Det var ein kjekk gjeng med ungdommar å ha med på tur!