Bordtennisturnering
Bordtennis har vore ein populær aktivitet dette skuleåret. Me har to bord ute og eit bord inne, alle blir flittig brukt.
Publisert: 15.12.2022 15:00 Sist endra: aldri Forfattar: Hege Jonathanson
33 elevar melde seg på turneringen. Me bar borda inn i gymsalen og brukte halve skuledagen på å spele bordtennis. Etter to timar hadde me 8 elevar klar for kvartfinale: Kevin 8A, Olander 8B, Oliver 9A, Marius O 9B, Leon 9A, Vibeke 10A, Torjus 10A, Jonas 10B. Leon, Vibeke, Torjus og Kevin gjekk til semifinale og etter to spennande kampar var Vibeke og Kevin klar for finale. Til slutt var det Vibeke som gjekk av med sigeren. Ho vart utfordra av Vegard, den nye læraren på skulen, men også han måtte sjå seg slått av den rykande ferske skulemeisteren. Gratulerer så mykje med strålande innsats.