Overnattingstur til Flesjane med 10. trinn
10. trinn avslutta våren med ein innhaldsrik og minnerik overnattingstur til Flesjane – ein tur som inngår som ein del av kroppsøvingsfaget, der elevane skal planleggje og gjennomføre ein friluftstur.
Publisert: 16.06.2025 00:24 Sist endra: aldri Forfattar: Hege Jonathanson
Begge klassane reiste saman, med lærarane Anna, Vegard og Andreas som trygge og engasjerte turleiarar. Med på turen var òg ein firbeint følgjesvenn som fekk mykje merksemd og gode klemmar.
Alle elevane sov i telt, og sjølv om natta bød på både regn og litt lite søvn, var humøret på topp og stemninga god frå start til slutt. Kvelden gjekk med til bål, latter og gode samtalar – slik berre ein skikkeleg telttur kan by på.