Ordføraren heldt ei inspirerande tale til avgangselevane og delte ut bygdeboka som gåve frå kommunen. Kontaktlærarane Vegard og Anna rørte både elevar og foreldre med personlege og humoristiske taler, og Benjamin skapte ei høgtidsstemning med vakker fiolinmusikk.
Simen og Sofie leia kvelden som konfransierar med tryggleik og glimt i auga – ein jobb dei løyste med stil! Elevane stilte ut imponerande arbeid frå kunst og handverk, og det var tydeleg at mykje kreativitet og innsats har prega det siste halvåret.
Ingen fest utan god mat: Bjørg hadde laga smakfulle tacobagettar til alle elevane, og kakebordet bugna av fantastiske kaker frå føresette og elevar.
Vi takkar for ei fin tid saman, og ønskjer kvar og ein av dykk lukke til vidare på vidaregåande!