Fire elevar hadde vore i Smådalen før, men for dei fleste var dette ein ny og spennande oppleving. Turen starta med ein stopp på Sjåheim, der elevane reflekterte over namnet – og konkluderte med at det ikkje var så lett å sjå heim, verken på grunn av geografi eller tett vegetasjon.
Vidare gjekk turen til den lokale stoppestaden kjent som "Onnebuksemannen", der elevane lærte om den gamle tradisjonen med å legge att ein ting for å sikre ein god tur vidare. Målet for turen var brua og elva som renn frå Smådalen. Her fekk elevane vasse i vatnet og nyte sola medan dei slappa av.
Neste gong er målet Smådalsvatnet, som ligg eit stykke høgare oppe enn der dei kom denne gongen. Då blir det høgare tempo opp bakkane – og kanskje fleire nye oppdagingar.
Kjekk tur i fint vêr med spreke og nysgjerrige elevar.