Undersøkinga gir elevane høve til å seie si meining om korleis dei opplever skulekvardagen – både fagleg og sosialt. Tema som blir tekne opp er blant anna trivsel, mobbing, motivasjon, støtte frå lærarane og opplevinga av medverknad.
Elevundersøkinga er anonym, og resultata blir brukte i arbeidet med å utvikle eit trygt og godt læringsmiljø. Svara gir viktig innsikt som både skulen og kommunen nyttar i kvalitetsutvikling og planlegging.
Vedlagt finn de informasjon frå Utdanningsdirektoratet om undersøkinga, inkludert oversikt over tema og korleis data blir behandla. Me oppmodar føresette til å snakke med barna om undersøkinga og oppmuntre dei til å svare ærleg.
Ta gjerne kontakt med skulen dersom de har spørsmål.