Føresette stilte sporty opp som vakter, noko me set stor pris på. Det skapte trygge rammer og gjorde at elevane kunne senke skuldrene og berre nyte kvelden.
Til mat vart det servert pizza, og rundt borda var det mykje latter og prat. Elevane møtte opp i flotte kjolar og dressar, og heile gymsalen var fylt av elegante antrekk og god stemning.
Det vart masse dansing, god musikk og eit herleg engasjement på dansegolvet. Me hadde også leigd inn fotograf, som fanga mange av dei fine augneblinka gjennom kvelden – smil, vennskap og ekte festglede. Bileta gir eit flott innblikk i ein kveld som mange vil hugse lenge.
Nyttårsballet blei ein varm og fin start på det nye året – med gode venner, gode opplevingar og minner for livet