På Espeland fekk elevane sjå dei originale bygningane og områda som vart brukte som fangeleir, og dei fekk høyre om livet til dei som sat der under krigen. Guidane fortalde levande historier om kvardagen i leiren, om fangane sine skjebnar og om rolla leiren spela under den tyske okkupasjonen av Noreg. Elevane fekk også innsikt i tema som demokrati, menneskerettar og konsekvensane av krig og konflikt.
Gjennom besøket fekk elevane moglegheit til å reflektere over korleis det var å vere fange, kva verdiar som står sentralt i samfunnet vårt i dag, og kvifor det er viktig å ta vare på historia.
Elevane viste stort engasjement gjennom heile besøket og stilte mange gode og reflekterte spørsmål. Guidane gav ros til elevane for både interessa og deltakinga dei synte.
Turen gav rom for ettertanke og gode samtalar, og var ein verdifull del av opplæringa for elevane på 10. trinn.