Det har vore stort engasjement, mykje speleglede og mange jamne og spennande kampar. Etter at alle oppgjera var gjennomførte, stod 10B igjen som vinnar av turneringa.
Som premie fekk dei utfordra eit lærarlag til kamp. For lærarane stilte Andreas, Lars Erik, Vegard, Lillian og Trond, klare til å forsvara æra.
Det vart ein tøff og underhaldande kamp med til tider høg temperatur og mykje innsats på begge lag. Elevane gav alt, men denne gongen var det lærarane som trekte det lengste strået og gjekk seirande ut. Det var likevel ein sliten gjeng på begge sider som kunne gå av bana etter ein skikkeleg fight.
Turneringa har vore eit kjekt innslag i skulekvardagen og har bidrege til både aktivitet, samhald og god stemning.