Me håpar alle har hatt ein fin og velfortent sommar, og fått lada batteria godt. No gler me oss til å ta fatt på eit nytt skuleår, og til å fylle dagane med læring, fellesskap og gode opplevingar saman. Oppstart er tysdag 13. august kl. 08.35, og skulebussen går som vanleg.
Informasjon om trinna
8. trinn: 28 elevar. Kontaktlærarar er Hanne og Nina. Klassen held til i rom 4 og 5.
9. trinn: 31 elevar. Kontaktlærarar er Eilin og Vegard. Klassen held til i rom 6 og musikkrommet i underetasjen.
10. trinn: 35 elevar. Lærarar er Jorunn og Elisabeth. Klassen held til i nybygget, rom 7 og 8.
Skuledagen
1. time: 08.35–09.20
2. time: 09.20–10.05
Friminutt: 10.05–10.15
3. time: 10.15–11.00
Friminutt: 11.00–11.40
4. time: 11.40–12.25
5. time: 12.25–13.10
Friminutt: 13.10–13.20
6. time: 13.20–14.05
7. time (onsdagar): 14.05–14.50
Mattilbod
Måndag: Gratis skulelunsj med frokostblanding, yoghurt, mjølk og frukt, samt knekkebrød/brød med enkelt pålegg.
Onsdag: Gratis varm mat, til dømes betasuppe, tacobaguett, pizza og pastagryter.
Andre dagar: Kantina er open, med tilbod om toast, nudlar, meieriprodukt og juice.
Friminuttaktivitetar
Ute har me ballbinge, basketballbane, badminton, bordtennis og volleyballbane.
Inne kan elevane bruke gymsal (ved dårleg vêr), stove med sofa, ope bibliotek, kantine med kort- og brettspel og eit eige playstationrom.
Me ser fram til eit fint skuleår med gode opplevingar, læring og trivsel.
Ei særleg varm helsing til dei nye 8. klassingane – velkomne til tre minnerike år på ungdomsskulen!