42 elevar på tur til Gullhorgabu
Førre veke var 42 elevar på ungdomssteget på tur til Gullhorgabu gjennom valfaget friluftsliv. Takket vere ein flott avtale med DNT Samnanger kan me nytte hytta gratis annakvart år – noko som gjer slike turar mogleg.
Publisert: 14.09.2026 12:28 Sist endra: aldri Forfattar: Hege Jonathanson
Elevane fekk både sol, tåke, vind og regn, og øvde på å ta ansvar for matlaging, oppvask og fellesskapet på hytta. Nokre sov ute, medan andre overnatta inne. Utan mobildekning vart det god tid til kortspel, gitarspel, samtalar og aktivitetar saman.
For nokre var dette den første skikkelege fjellturen, medan andre hadde mykje erfaring. Elevane viste godt omsyn til kvarandre og bidrog til eit inkluderande og trygt fellesskap.
Takk til DNT Samnanger, føresette som stilte opp med køyring og henting på Kvitingen, og lærarane Anna, Vegard og Hanne for ein flott tur.